Алим Шерзамонов дар ёддоште аз тамринҳои тоқатфарсои донишомӯзон дар шаҳри Конибодом ба хотири ҷашни Ваҳдати имосол парда бардошт.

Алим Шерзамонов, фаъоли сиёсӣ ва раиси иҷроияи Анҷумани Озодандешони Тоҷик, дар ёддоште дар сафҳаи худ навишт: «Тӯли як моҳ ё худ дар давоми моҳи шарифи Рамазон дар шаҳри Конибодом хонандагони макотиби миёна ҳамроҳ бо омӯзгоронаш дар офтоби тафсон гушнаву ташна ба хотири вохӯрии Раҳмонов дар сатҳи баланд омодагӣ дида истоданд, бо ибораи дигар марширофка карда истоданд.»

Вай афзуд: «Ба назар чунин мерасад, ки он ҷаноб рӯзи Ваҳдатро дар ин шаҳр қайд карданист. Илова бар ин, дар назар аст ба ин маърака 10-12 ҳазор ҳайати шахсии ВКД аз тамоми қаламрави Тоҷикистон ҷалб шаванд.»

Шерзамонов дар поёни ёддошти худ ифоза кард: «Як вижагии дигари ин тамринҳо — ба гуфти манбаъ — имсол он аст, ки аксарияти ширкатдорони ин тамринҳо ифтихор доранд, ки маҳз онҳо ба чунин бахт — ширкати дар ин вохӯрӣ даст ёфтаанд. Мағзшӯии чандсола натиҷа дода истодаст.»

,