Паймони Миллии Тоҷикистон интихоботи президентии 11-уми октябрро ғайриқонунӣ медонад, зеро, пас аз нақзи созишномаи Сулҳ ва пешвои миллат эълон шудани Э. Раҳмон, он дар мухолифат бо меъёрҳои байналмилалӣ ва қонунҳои кишвар баргузор мегардад.

Ҳамчунин, дар ин интихобот номзадҳои алтернативӣ ва мустақил ширкат надоранд ва натиҷаҳои он наметавонад баёнгари раъйи мардуми Тоҷикистон бошад.

Бинобарин, Паймони Миллии Тоҷикистон аз мардуми шарифи кишвар, созмонҳои байналмилалӣ ва кишварҳои дуст даъват мекунад, ки баргузории ин интихобот ва натиҷаҳои онро ғайримашруъ бидонанд.

Паймони Миллии Тоҷикистон сиёсатҳои худро бар мабнои мавҷудияти як ҳокимияти ғайримашруъ дар кишвар роҳандозӣ хоҳад кард.

Паймони Миллии Тоҷикистон

21.09.2020